fbpx

Полицијата му поднесе прекршочна пријава на Саша Богдановиќ

-

Полицијата поднела прекршочна пријава против директорот на ЈП „Паркинзи – Центар“, Саша Богдановиќ, бидејќи, како што информираат од МВР, „ги попречувал полициските службеници во вршењето на службените дејства“ по завршувањето на кошаркарскиот натпревар меѓу тимовите на „Работнички“ и на „МЗТ Скопје“.

„Околу 21.45 часот, пред влезот на спортска сала „Градски парк“, по завршување на кошаркарскиот натпревар помеѓу КК „Работнички“ и КК „МЗТ“, од полициски службеник на лицето С.С. (29) му било укажано да се оддалечи од службениот влез на салата, по што истиот почнал да го омаловажува полицискиот службеник со навредливи зборови и притоа одбил да се легитимира. При обидот истиот да биде приведен, се вмешал и С.Б. (30) и ги попречувал полициските службеници во вршењето на службените дејства“, стои во официјалната информација на МВР за настанот.

Богдановиќ денеска, во изјава за медиумите, рече дека без никаква причина бил тепан и приведен од полицијата.

– Кога прашав зошто мора да се применува сила, ме легнаа на земја, со неколку удари по глава. Потоа ме кренаа и ме однесоа во најблиското полициско комби. Ме држеа 10-15 минути и потоа ме спроведоа во полициската станица Беко. Никој од полицајците не знаеше зошто сме задржани и зошто сме приведени. Ни беше кажано од началникот дека мора да нè приведат и потоа, без причина, без да ни дадат некакво образложение, нè држеа три часа и ни напишаа прекршочна пријава – изјави Богдановиќ.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...