Единицата за насилен криминал во СВР Скопје до Основно јавно обвинителство Скопје доставила уште една кривична пријава, против лицето Ј.Ч. (28) од Прилеп, поради постоење основи на сомневање за извршено кривично дело „учество во толпа што ќе изврши кривично дело“.
Тој на 27 април околу 19 часот откако со употреба на физичка сила насилно влегол во Собранието на Република Македонија, се упатил во прес салата 3 и физички го нападнал претседателот на СДСМ, Зоран Заев удирајќи го со нога во пределот на стомакот.
На 19 мај Ј.Ч. е повикан и со него извршен е разговор во кој го појаснил начинот на извршување на кривичното дело, а во консултација со Јавен обвинител по извршениот разговор тој бил ослободен.
До Основно јавно обвинителство доставено е и „известување во врска дејствие“ на охриѓанецот М.М. (45), вработен во Единицата за потраги при СВР Скопје.
Тој бил службено ангажиран како физичко обезбедување на протестот за „За заедничка Македонија“ но околу 19 влегол во Собранието при што се обидел и насилно да го одземе службеното оружје на еден од обезбедувањето на Заев кога тој го извадил пиштолот од футрола и испукал еден проектил во воздух со цел да ја спречи и предупреди толпата.
Дополнително МВР информира дека лишено од слобода е уште едно лице од Охрид со иницијали К.Т. Во саботата тој бил приведен на скопскиот аеродром по што бил сослушан и задржан во полициска станица. Подоцна бил сослушан и од единицата за насилен криминал по што е ослободен, а во консултации со јавен обвинител ќе биде поднесен соодветен примерок.
