fbpx

Поддржувачи на ВМРО-ДПМНЕ излегоа на протест пред судот поради обвиненијата на СЈО

-

Неколку стотини граѓани – поддржувачи на ВМРО-ДПМНЕ, вечерва излегоа на протест пред Основниот суд Скопје 1, каде се одлучува по барањата на Специјалното јавно обвинителство за притвор и за мерки за претпазливост против високи функционери на партијата, меѓу кои и лидерот на ВМРО-ДПМНЕ, Никола Груевски.

Насобраните граѓани, како што пренесуваат медиумите, се пред Кривичниот суд на протест против обвиненијата што денеска ги поднесе СЈО. Булеварот пред зградата на судот е блокиран, а насобраните граѓани извикуваат „Македонија“ и „Нема да ви помине“, јавува „Радио Слободна Европа“. Пред судот има голем број полицајци.

Претходно денеска, Никола Груевски на прес-конференција во партиското седиште рече дека ВМРО-ДПМНЕ била нападната и дека завршила нивната конструктивност.

– Ако мислат дека ВМРО-ДПМНЕ ќе го преспие ова, длабоко се излажале. Сакам да објавам дека конструктивноста кои некои ја нарекуваа попустливост во нашето дејствување завршува денеска. Сега е време историја да оценува и да суди – рече Груевски.

Специјалното јавно обвинителство денеска поднесе 17 обвиненија против 94 физички и седум правни лица. СЈО побара и да им биде одредена мерка притвор на Груевски, на поранешниот директор на УБК, Сашо Мијалков, на поранешните министри Миле Јанакиески, Гордана Јанкулоска и Елизабета Канческа-Милевски и на уште 13 други лица.

Кривичниот суд доцна попладнево соопшти дека ги примиле сите обвиненија на СЈО и дека ги распределиле кај судии. Оттаму најавија дека по барањата за определување на мерки за претпазливост и на мерка притвор ќе одлучуваат судии од кривичните совети во текот на денешиот и утрешниот ден.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...