fbpx

Почнуваат преговорите за Брексит, првото истапување од членство во историјата на ЕУ

-

Обединетото Кралство денеска ги почнува историските преговори за излегување од ЕУ, односно Брексит, една година откако гласачите на референдум се определија за напуштање на европското семејство.

Британскиот министер за Брексит, Дејвид Дејвис, главниот преговарач на ЕУ, Мишел Барние, и нивните тимови, го почнаа состанокот во Брисел претпладнево, а на крајот на денот ќе одржат прес-конференција.

Преговорите почнуваат во атмосфера на несигурност за намерите на владата на Обединетото Кралство, откако британските гласачи на предвремените парламентарни избори на 8 јуни „го одбија“ таканаречениот манифест за брз Брексит, со тоа што не ја дадоа очекуваната гласачка доверба, па владејачката Конзервативна партија го загуби мнозинството во парламентот.

Преговорите ќе бидат макотрпна работа, оти ќе се „размрсуваат“ 44 години заедничка историја, внесена во илјадници страници законски текстови. Процесот на истапување на Обединетото Кралство од ЕУ ќе треба да заврши за помалку од две години, најдоцна до март 2019 година, освен ако другите 27 членки на ЕУ не решат да ги продолжат преговорите.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Млади иноватори изработија мобилна апликација за помош на дијабетичари

Ѓорѓина Ристовска и Марио Мијатовиќ се млади иноватори кои ја креираа апликацијата ДИА, како асистент на лицата со дијабетес за менаџирање на оваа состојба. Инспирирани од желбата да помогнат...