Посмртините останки, за кои грчките здравствени власти потврдија дека се на Дениса Маркоска, доцна синоќа пристигнаа во Скопје.
По пристигнувањето на телото, веднаш почнала обдукцијата, која треба да ги потврди или негира наодите на грчките власти.
Министерството за здравство ги одобри барањата на семејството на Дениса и нареди нова обдукција.
Семејството Маркоски од Прилеп се сомнева во резултатите од обдукцијата на грчките власти затоа што тие го потврдија идентитетот, но не понудија никаков одговор за тоа како починала младата девојка.
Дениса исчезна на 12 септември, додека работеше на бродот „Серенисима“ во водите на Егејско Море. Две недели по неа трагаа грчките власти, но и Интерпол. Потоа беше пронајдено безживотно тело за кое ДНК-анализата со 99,9 проценти сигурност потврди дека е на младата Македонка.
