fbpx

Питела: Во Македонија, Албанија, БиХ и Србија има силни дестабилизирачки притисоци

-

Шефот на пратеничката група на социјалистите и демократите во Европскиот парламент, Дани Питела, изјави дека на државите од Западен Балкан кои сакат во ЕУ треба да им се даде јасна перспектива за членство за да не влезат во „руската орбита“.

Тој вели дека ЕУ мора да биде многу активна во тој регион, наведувајќи дека проширувањето на ЕУ ќе биде возможно по 2019 година.

Питела предупредувањето го изнесе во разговор за денешното издание на словенечкиот весник „Дневник“.

– Балканот минува низ многу проблематичен период. Во Македонија, Албанија, БиХ и Србија има силни дестабилизирачки притисоци – тврди Питела.

Тој вели дека Балканот е составен дел на Европа и сосед на ЕУ.

– Но, сега сме многу далеку едни од други, иако би требало да бидеме поблиски и обединети. Потребна е активна политика кон тој регион и политичка мобилизација на европските сили, во спротивно ризикуваме цело тоа подрачје да прејде во руската орбита. Тоj ризик е многу реален, а руската привлечност е голема – вели Питела.

Тој додава дека политиката која ги држи балканските држави понастрана од Русија е отворената перспектива за членство во ЕУ.

– Таа перспектива поттикнува и економски, социјален и демократски напредок на тамошните општества. На тие држави кои се кандидати за членство и би можеле да се приклучат кон ЕУ по 2019 година, треба да им се даде одговор кој ќе делува стабилизирачки – рече Питела.

Сепак, тој нагласи дека овие држави мораат да ги исполнат критериумите и да се обврзат дека ќе го почитуваат владеењето на правото и демократските начела на ЕУ, бидејќи во спротивно вратата ќе им биде затворена.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Промоција на винил компилација „Поп култура“, во чест на Мирко Попов

Вечерва ќе се одржи промоција на винил компилацијата „Поп култура“ во едукативниот културен центар „Лабораториум“, во рамките на платформата „Силата ЕУ Младите“. Изданието содржи песни од млади современи македонски поп...