This page was exported from Meta.mk [ http://meta.mk ]
Export date: Sun Apr 23 9:58:42 2017 / +0000 GMT

Пет лица се убиени во напад на аеродром во Флорида




Најмалку пет лица загинаа, откако напаѓач вчера попладнето отвори оган на меѓународниот аеродром Форт Лодердејл, на Флорида, пренесуват британските медиуми, повикувајќи се на официјални претставници и на сведоци.

- Во инцидентот пет лица се убиени, а осуммина се ранети - соопштија од канцеларијата на локалниот шериф.

Телевизијата „Ем-ес-ен-би-си“, повикувајќи се на очевидци, јавува дека напаѓачот е маж во 20-тите години и оти директно пукал во патниците кои го чекале багажот. Полицијата го застрелала кога се обидел да избега, по што е приведен.

Американските медиуми, повикувајќи се на претставник на американските правосудни власти, јавуваат дека напаѓачот е идентификуван. Станува збор за 26-годишниот Естебан Сантијаго, кој за ФБИ во ноември минатата година изјавил дека владата го контролира неговиот ум и го принудува да гледа видеоснимки на групата Исламска држава.

https://twitter.com/albertoallen/status/817663595056087040

Роднини на напаѓачот изјавиле дека Сантијаго имал психички проблеми, од кои некои се појавиле по завршување на неговата мисија во Ирак, за што почнал да добива лекување во својот дом на Аљаска.

Веднаш по апсењето, Сантијаго е однесен на психијатриска проценка.

Напаѓачот во Форт Лодердејл пристигнал со лет од Енкориџ, а оружјето што кое употребил било скриено во неговиот единствен пријавен багаж. Полицијата вели дека не е необично патници на аеродромот со багажот да го чекираат и своето огнено оружје, затоа што во регионот има многу ловци.

YouTube Video: YouTube.com/watch?v=wcFWnZjhvJI

Post date: 2017-01-07 10:33:35
Post date GMT: 2017-01-07 09:33:35
Post modified date: 2017-01-07 10:56:57
Post modified date GMT: 2017-01-07 09:56:57
Powered by [ Universal Post Manager ] plugin. HTML saving format developed by gVectors Team www.gVectors.com