fbpx

Павлопулос продолжува со радикалните пораки за Македонија, овојпат од Солун

-

Грчкиот претседател, Прокопис Павлопулос, вторпат неделава, овојпат од Солун, испрати порака дека Македонија е една и грчка и дека тој ќе направи сè што е во негова надлежност да го заштити грчкиот карактер на Македонија и нејзиниот територијален интегритет.

Павлопулос рече дека Грција сака да има добри и пријателски односи со Македонија, но никој нема право да бара и да краде туѓа историја и да се обиде да ја фалсификува својата историја.

„Се обврзувам дека ќе направам сè што е во моја надлежност за да ги заштитам и територијалниот интегритет и грчкиот карактер на нашата Македонија, врз основа на историјата, меѓународното и на европското право во нивна целост“, истакна Павлопулос.

На церемонијата во Солун, грчкиот претседател истакна дека Грција е мирољубива држава, но нејзините соседи треба да бидат свесни дека никогаш нема да го даде и да се откаже од она што е нејзина припадност бидејќи грчкиот народ во целост е обединет на таа тема.

Грчкиот претседател во вторникот од Воден, исто така, ја критикуваше Македонија и македонските политичари, обвинувајќи ги за иредентизам и за крадење историја, коментирајќи дека на овој начин нашата држава го прекршува европското право и нема услови да стане дел од европското семејство.

Шефот на македонската дипломатија, Никола Попоски, по говорот на Павлопулос од вторникот, ѝ порача на Грција дека треба ја спроведе пресудата на Меѓуродниот суд на правдата, па потоа да говори за почитување на европското и на меѓународното право.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Настани во повеќе онлајн игри со различни награди

Оваа пролет има многу настани на различни игри попознати под името „Event“-и, на кои има различни награди и забрзано левелирање на повеќе игри - настани кои се во тек...