Кина ќе издвои 40 милијарди долари за основање инфраструктурен фонд „Патот на свилата“, соопшти кинескиот претседател Си Џипинг. Целта на фондот, како што истакнува Џипинг, е да се засили поврзаноста во Азија.
Фондот „Патот на свилата“ ќе биде отворен и ги повикува инвеститорите од Азија и надвор од неа, активно да учествуваат во проектот.
Финансиските и трговските иницијативи на Кина, главно, се поврзуваа за Централна Азија, но и со државите од Јужна Азија, поттикнувајќи напори за оживување на „Патот на свилата“, кој некогаш ги поврзувал Кина и Средоземјето.
Минатиот месец Џипинг го откри планот за Азиската инфраструктурна инвестициска банка, вреден 50 милијарди долари, која се гледа како пандан на Светската банка и на Азиската развојна банка.