This page was exported from Meta.mk [ http://meta.mk ]
Export date: Sat Apr 29 7:18:08 2017 / +0000 GMT

Папата замоли за прошка поради улогата на Црквата во геноцидот во Руанда




Папата Франциск замоли за прошка поради „гревовите и грешките на Црквата и на нејзините членови“ за време на геноцидот во Руанда во 1994 година.

Тој на претседателот на Руанда, Пол Кагаме, му рече дека се надева дека неговото извинување ќе ѝ помогне на земјата да ги залечи раните.

Во изјава по нивниот состанок, Ватикан призна дека некои католички свештеници и чесни сестри „подлегнале на омразата и на насилството, издавајќи ја нивната мисија“ со тоа што учествувале во геноцидот.

За време на геноцидот, кој траел 100 дена, екстремистите Хуту убиле повеќе од 800.000 Тутси.

Според зборовите на преживеаните, многу жртви биле убиени од свештени лица и чесни сестри, а владата на Руанда соопшти дека многумина умреле во црквите во кои барале засолниште.

Ватикан соопшти дека папата ја пренел тагата на Светиот престол и на Црквата поради геноцидот и изразил солидарност со жртвите.
Post date: 2017-03-20 20:47:11
Post date GMT: 2017-03-20 19:47:11
Post modified date: 2017-03-20 21:07:48
Post modified date GMT: 2017-03-20 20:07:48
Powered by [ Universal Post Manager ] plugin. HTML saving format developed by gVectors Team www.gVectors.com