Поранешниот грчки премиер, Јоргос Папандреу во интервју за грчкиот весник „Етнос“ вели оти се чини дека актуелната македонска Влада сфатила дека иредентизмот води во ќор-сокак и дека, според него, ако се тргне името настрана, тогаш „Скопје е природен сојузник на Атина“.
– Доколку сегашните околности дозволат задоволително решение, пошироката геополитичка ситуација е уште една причина да одиме чекор понапред. Скопје, ако се тргне настрана името, е нашиот природен сојузник. Решавањето на проблемот, ќе ни дозволи повторно да ја искористиме нашата стратешка позиција на Балканот – вели Папандреу.
Тој вели дека во времето додека бил министер за надворешни работи со македонската страна биле блиску до решение. Папандреу ги споменува и билатералните средби со Никола Груевски, додека и двајцата беа премиери и коментира дека имал чувство дека „Груевски го користи македонското прашање како оправдување за внатрешните проблеми“.
Поранешниот грчки премиер во интервјуто ја критикува опозициската Нова демократија, поради нивното барање, коалиционите партнери во владата да се согласат за една единствена и заедничка позиција околу спорот со името.
Ο πρώην πρωθυπουργός, νυν πρόεδρος του ΚΙΔΗΣΟ και της Σοσιαλιστικής Διεθνούς, Γιώργος Παπανδρέου μιλά στο ΕΘΝΟΣ της Κυριακής, ασκεί σκληρή κριτική στην κυβέρνηση, κάνει σφοδρή επίθεση στη Δεξιά, ενώ καλεί τον Κυρ. Μητσοτάκη να πάρει θέση για το Σκοπιανό pic.twitter.com/cVkK3OKEz8
— ΕΘΝΟΣ (@ethnosgr) December 30, 2017
