fbpx

Пакетот закони за заштита од полициска бруталност одат на комисиски расправи

-

Собранието на денешната пленарна седница ги усвои заклучоците за пакетот законски измени со кои се предвидува формирање на надворешни механизми за заштита од полициска бруталност.

Пратениците од парламентарното мнозинство, без опозицијата, која не учестува во работата на законодавниот дом, по брза постапка, без расправа одлучија измените на законите за извршување санкции, за јавно обвинителство, за јавнообвинителска служба и за судовите и на законот за кривична постапка да одат во натамошна постапка, односно да бидат разгледани и усвоени од Комисијата за политички систем и односи меѓу заедниците и од Законодавно-правната комисија.

Со законските решенија се предвидува формирање на посебни одделенија во Обвинителството и во судот за истражување и гонење на кривични дела сторени од полициски службеници и припадници на затворската полиција.

Пратеничката на Нова социјалдемократска партија, Соња Мираковска, рече дека со нив се поставуваат механизми кои ќе гарантираат дека човековите права на граѓаните нема да будат кршени со прекумерна употреба на сила.

– Ќе потсетам на тортурата при упадот во „А1 телевизија“, како Мартин Нешковски го изгуби животот и како беше направен обид да се скрие убиството, нема да се заборави бруталноста на полицијата при упадот во библиотеката „Браќа Миладиновци“ за време на протестите токму за Мартин Нешковски, ќе потсетам на тепањето на студентите за време на студентските избори. Ние се задолживме со планот „3-6-9“ да се справиме со полициската бруталност – рече Мираковска.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Промоција на винил компилација „Поп култура“, во чест на Мирко Попов

Вечерва ќе се одржи промоција на винил компилацијата „Поп култура“ во едукативниот културен центар „Лабораториум“, во рамките на платформата „Силата ЕУ Младите“. Изданието содржи песни од млади современи македонски поп...