!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Отворена телефонска линија за контакт на граѓаните со министерот Таравари


       
Скопје, 19 јуни, 2017 - 17:36 (META) 

Министерството за здравство воведе телефонска линија за директна комуникација на граѓаните со министерот за здравство, Арбен Таравари, преку мобилните апликации „вибер“ и „вацап“.

Од министерството информираат дека почнувајќи од денеска, функционира телефонската линија 071/349-999 на која граѓаните преку електронска порака може да се обратат до министерот со каква било идеја, со предлог, со пофалба или, пак, за пријавување одредени неправилности, обиди за корупција и нерегуларности со кои се соочиле во функционирањето на здравствениот систем.

– Целта на #ЗдравоТаравари е лично да ги слушнам мислењата и искуствата на граѓаните од здравствениот систем и заеднички да ја смениме перцепцијата за нашето здравство – изјави министерот Таравари.

Комуникацијата со министерот Таравари ќе се одвива единствено со електронски пораки преку „вибер“ и „вацап“, кои може да ги испрати секој граѓанин на телефонскиот број 071/349-999.