Ќе се собираат пари за обнова на опожарената црква „Св. Спас“ во Владимирово, одлучи синоќа Иницијативниот одбор.
Како што информираат оттаму, сметка за донација е отворена во Комерцијална банка. Меѓу првите донатори се најавени владимировците Благоја Ханџиски и Снежана и Љубчо Георгиевски, како и Фондацијата „Д-р. Михаил Левенски“.
Одборот упати апел до сите жители и иселени од Владимирово да го помогнат обновувањето на црквата во која се крстени и венчани тие, нивните родители, баби и дедовци.
