Британската полиција го откри идентитетот на напаѓачот од Лондон. Станува збор за 52-годишниот Халид Масуд, кој од претходно ѝ е познат на полицијата.
Полицијата го уби Масуд откако со автомобил прегази пешаци и со нож прободе полицаец.
Иако не бил под истрага, ниту против него се водела некаква постапка, на полицијата ѝ бил познат по претходни прекршоци. Од Скотланд јард велат дека не бил поврзан со терористи и оти полицијата не го следеа поради сомнежи за терористички активности.
Во неговото досие има пријава за напад, нанесување тешки телесни повреди, поседување оружје и за кршење на јавниот ред и мир. Првите проблеми со законот ги имал уште во 1983 година, а последен пат е казнет во 2003 година поради нелегално поседување оружје.