This page was exported from Meta.mk [ http://meta.mk ]
Export date: Wed Jun 28 3:45:00 2017 / +0000 GMT

Отежнат авиосообраќајот во Италија поради штрајк на вработените на аеродромите




Авионскиот сообраќај во Италија денеска ќе биде отежнат поради штрајкот на аеродромските работници, меѓу кои и контролорите за летање, соопштија синоќа синдикатите. Контролорите за летање се повикани на синдикален штрајк во периодот од 13 до 17 часот.

Покрај тоа, сите вработени во воздухопловството се повикани на 24-часовна готовност за штрајк, освен во двата шпица, од 7 до 10 часот и од 18 до 21 часот.

Италијанскиот авиопревозник „Алиталија“ соопшти дека откажал 40 отсто од своите домашни и меѓународни летови.
Владата, управата на „Алиталија“ и синдикатот денеска треба да преговараат за низа проблеми.

„Алиталија“ се соочува со финансиски проблеми поради конкуренцијата од евтините превозници, како што се „Рајанер“, и планира за 20 отсто да ја намали работната сила, а платите да ги скрати за третина, што е неприфатливо за синдикатите кои повикаа на штрајк и на 5 април.
Post date: 2017-03-20 09:55:57
Post date GMT: 2017-03-20 08:55:57
Post modified date: 2017-03-20 09:55:57
Post modified date GMT: 2017-03-20 08:55:57
Powered by [ Universal Post Manager ] plugin. HTML saving format developed by gVectors Team www.gVectors.com