Осум лица загинаа, а 11 се повредени откако маж со камион влета на велосипедска патека на Менхетан, соопшти полицијата.
Инцидентот се случил неколку блокови од споменикот на жртвите на терористичкиот напад на Светскиот трговски центар, а напаѓачот е идентификуван како Сајфуло Саипов, 29-годишник од Узбекистан.
Саипов, кој дошол во САД во 2010 година и оттогаш живее во Флорида, со камионет влетал на велосипедската патека, газејќи пешаци и велосипедисти, а потоа во улицата Чемберс се судрил со училиштен автобус, при што повредени се двајца возрасни и две деца. По судирот, Сиапов излегол од возилото носејќи в раце нешто што наликувало на два пиштола, по што полицаец го застрелал во пределот на стомакот. Полицијата потоа кај него пронашла лажен пиштол и пиштол за игра.
On the ground in lower Manhattan. Student at local community college sent me this video. Appears to show suspect after the attack. 1/2 pic.twitter.com/KGvbwKf1JX
— Jacob Rascon (@KPRC2Jacob) October 31, 2017
Нападот се третира како терористички чин, а полицијата засега смета дека Узбекистанецот дејствувал сам.
Гувернерот на Њујорк, Ендрју Куомо, изјави дека нема докази дека станува збор за заговор од пошироки размери.
VIDEO from scene shows multiple bikers laying on the ground after being struck by a truck pic.twitter.com/bFPVdi1rAh
— New York City Alerts (@NYCityAlerts) October 31, 2017
