fbpx

Османи утре во работна посета на Тирана

-

Вицепремиерот за европски прашања Бујар Османи утре ќе престојува во еднодневна работна посета на Тирана, каде има средби со државниот врв на Република Албанија.

Во рамки на посетата Османи ќе има одвоени средби со претседателот на Албанија, Илир Мета, со претседателот на албанскиот парламент, Грамоз Ручи, со министерот за Европа и надворешни работи, Дитмир Бушати и со претседателот на Демократската партија на Албанија, Љуљзим Баша, информираат од неговиот кабинет.

На средбите ќе се разговара за билатералната соработка, регионалната соработка, проширувањето на Европската Унија со земјите од Западен Балкан како и за унапредување на меѓусебните односи на Република Македонија и Република Албанија.

Посетата на Тирана, како што се наведува во соопштението, е дел од мини балканската турнеја која Османи ја започна со посетата на Атина на почетокот на месецов и ќе продолжи со посета на Белград, а потоа и на Софија.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Контраспин: Силјановска не ги седна пензионерите во ложата на „Мапет шоу“

Контекстот во кој претседателската кандидатка на ВМРО-ДПМНЕ ја кажа репликата за „Мапет Шоу“, беше сосема поинаков од оној што го претстави СДСМ. Самата реплика воопшто не се однесуваше на...