fbpx

Османи утре на состанок на Советот за стабилизација и асоцијација во Брисел

-

Вицепремиерот за европски прашања, Бујар Османи, од денеска ќе биде во официјална посета на Брисел, а утре ќе учествува на тринаесеттиот состанок на Советот за стабилизација и асоцијација (ССА). Со Советот ќе претседава министерот за надворешни работи на Република Македонија, Никола Димитров, а копретседавач ќе биде високата претставничка за надворешна и безбедносна политика на ЕУ и потпретседателка на Европската комисија, Федерика Могерини.

На состанокот, како претставник на Европската комисија, ќе присуствува и комесарот за проширување и за добрососедска политика, Јоханес Хан.

„Се очекува вицепремиерот Османи да го образложи планот „3-6-9“, неговата содржина, имплементацијата и очекуваните ефекти, како и да ги повтори заложбите на Македонија за затворање на сите отворени политички прашања и за отстранување на сите пречки за реактивирање на евроинтегративните процеси. Ќе биде побарана и конкретна поддршка за реформите, како и поддршка за обезбедување конкретни чекори од страна на Европската Унија, кои појасно би ја рефлектирале европската перспектива на Македонија“, информираат од кабинетот на вицепремиерот.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Распишан конкурс за наградата „23 Октомври“

Одборот за доделување на државната награда „23 Октомври“, распиша конкурс за доделување на државната наградата за 2024 година. „Со државната награда се оддава највисоко признание за долгогодишни остварувања во областа...