fbpx

Османи ќе му го претстави планот „3-6-9“ на Коѕиас

-

Министерот за надворешни работи на Грција, Никос Коѕиас, утре ќе биде во официјална посета на Македонија на покана на министерот за надворешни работи, Никола Димитров.

Од МНР велат дека посетата на Коѕиас е продолжение на дијалогот помеѓу двајцата министри, во рамки на кој се опфатени перспективите на билатералната соработка помеѓу двете земји, како и други прашања од заемен интерес.

Димитров денеска не сакаше да прецизира за што конкретно ќе се разговара на утрешната средба со неговиот грчки колега, додавајќи дека е некоректно да се каже дека ќе зборуваат само за мерките за доверба, имајќи предвид дека довербата е клучна за добрите односи. Димитров ќе го пречека Коѕиас во 10.20 часот, во фоајето на зградата на МНР.

Заменик-претседателот на Владата задолжен за европски прашања, Бујар Османи, исто така ќе се сретне со Коѕиас, во просториите на Секретаријатот за европски прашања, утре во 14.40 часот.

На средбата, како што информираат од Секертаријатот, ќе се разговара за односите помеѓу двете земји, особено за новите можности за унапредување на билатералните односи кои се отвораат во согласност со новата позитивна клима во регионот.

„Вицепремиерот Османи, на министерот Коѕиас ќе му го претстави планот „3-6-9“, процесот на неговата имплементација, како дел од обврските со кои Македонија ја враќа европската агенда како врвен приоритет. Тема на средбата ќе биде и продолжувањето на успешната соработка во искористувањето на ИПА-фондовите наменети за прекугранична соработка, како успешен модел кој треба да претставува пример за изградба на мерки на доверба помеѓу две соседни држави“, се вели во соопштението на Секретаријатот.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...