fbpx

Општина Центар: Министерството за финансии ја блокира работата на новата градинка

-

Министерството за финансии го блокира комплетното и нормално работење на новата градинка „Кочо Рацин“, обвинуваат од Oпштина Центар.

– Поради недостиг од персонал, во објектот не функционира ниедна група јасли. Најмодерните јасли во Македонија, со подно греење, со кујна по европски стандарди, со посебен влез и лифт, не можат да примат деца бидејќи Министерството за финансии и по 10 барања и интервенции, континуирано од февруари годинава, останува глуво на барањата за вработување на една воспитувачка, седум негувателки, три хигиеничарки, еден готвач и еден садомијач. Во ек на кампањата „Македонија вработува“, децата треба да седат дома, а и нивните родители, затоа што министерството ни ја блокира работата. Тоа е суровата реалност во општина Центар – рече градоначалникот на општина Центар, Андреј Жерновски.

Жерновски посочува дека по петнаесеттината барања и ургенции за вработувања во градинката, кои според него досега биле залудни, со доаѓањето на новиот министер за труд и социјална политика, веднаш биле прифатени.

Од Општина Центар велат дека кај родителите има револт кој најавуваат дека ќе го искажат пред министерството, зашто оттаму нема согласност за вработувања и во другите градинки што се на територија на општина Центар.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Петровска го доби Ковачки на суд и се откажа од 10.000 евра што требаше тој да ѝ ги плати за клевета

Основниот граѓански суд - Скопје утврдил граѓанска одговорност за клевета врз министерката Славјанка Петровска од Драган Ковачки од ВМРО-ДПМНЕ. Петровска на својот профил на Фејсбук ја објави пресудата. „Како што...