fbpx

„Опел“ и „Воксхол“ станаа дел од ПСА, се роди вториот најголем европски автопроизводител

-

„Опел аутомобил ГмбХ“, со своите две марки „Опел“ и „Воксхол“ од денеска е во сопственост на францускиот автопроизводител ПСА, кој ги произведува автомобилите „Пежо“, „Ситроен“ и „ДС“. По половина година преговори, денеска е официјализиран договорот со кој „Џенерал моторс“ ги продава контролните пакети на „Опел“ и на „Воксхол“ на Французите. „Опел“ 88 години беше во сопственост на американскиот автопроизводител.

Според претседателот на ПСА, Карлос Таварес, денеска се раѓа вистински европски шампион, кој ќе покрива 17 отсто од европскиот автомобилски пазар.

– Ќе им помогнеме на „Опел“ и на „Воксхол“ да се вратат во профитабилност и заеднички ќе поставуваме нови стандарди во индустријата. „Опел“ ќе остане германски, а „Воксхол“ ќе остане британски – рече Таварес.

Прв човек на германската и на британската марка и понатаму ќе биде Михаел Лохшелер. Тој се надева дека во 2020 година тие ќе почнат да остваруваат профит.

Соработката на „Опел“ и на „Воксхол“ со „Џенерал моторс“ ќе продолжи уште неколку години и ќе се соработува на планот на електричен погон, а фабриките на двете компании ќе продолжат да произведуваат автомобили за марките „Бјуик“ и „Холден“.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...