fbpx

ОЈО Скопје отвори истрага против 13 вработени во Агенцијата за катастар

-

Основното јавно обвинителство Скопје отворило предмет против 13 лица, вработени во Агенцијата за катастар, кои се товрат за злоупотреба на службената положба и овластување, соопшти денеска Јавното обвинителство.

Како што информираат оттаму, осомничените во периодот 1 јануари 2013 до 16 март годинава на клиенти им наплаќале административна такса во готово, а парите потоа ги земале за себе.

Осомничените, според Обвинителството, со направените злоупотреби стекнале противправна имотна корист од околу 1,9 милиони денари, односно околу 30.000 евра.

„При приемот на пријавите – барањата од странки, наплатата на надоместокот (административната такса) ја вршеле со парични средства во готово, при што ги убедувале странките дека им помагаат со тоа што надоместок тие лично ќе го платат преку нивните лични платежни картички. Осомничените веднаш по направеното плаќање со платежните картички преку постерминалите, вршеле сторнирање на направените трансакции, а кон барањата од странките ја приложувале веќе испечатената потврдата за извршено плаќање, како доказ дека административната такса е наплатена и предметот го пуштале во понатамошна процедура. Добиените парични средства во готово ги присвојувале за себе и притоа стекнале противправна имотна корист во износ од 1.883.433 денари“, стои во соопштението на Обвинителството.

Јавниот обвинител, кој го води случајот, до судија на претходна постапка доставил предлог на осомничените да им бидат одредени мерки на претпазливост, односно одземање на пасошите, забрана за напуштање на живеалиште и повремено јавување пред надлежен орган.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Украинската одбрана соборила 84 руски воздушни цели

Ноќеска Русија изврши уште еден масовен воздушен напад врз украински објекти за гориво и енергија, соопшти украинската одбрана. Непријателот ја нападнал Украина со 60 беспилотни летала Шахед и 39 проектили...