fbpx

Охрид во мартовска снежна бајка

-

Охрид утринава осамна под мала, но импресивна за поглед и за уживање, снежна покривка, како резултат на студениот бран кој ја зафати земјава.

Врнежите со умерен интензитет престанаа по 7 часот утрово, на коловозите снегот е веќе растопен, но затоа го има со дебелина од десетина сантиметри, на околните возвишенија околу градот.

Особено се забелени снежните врвови на Галичица, како и Јабланица во Струшко, кои се под дебела снежна покривка.
Снег наврна ноќеска и во соседен Поградец во Албанија.

Во следните денови ќе преовладува променливо облачно време со сончеви периоди и со умерен северен ветер. До вторник ќе има услови за слаб локален дожд, а на повисоките места и на планините слаб снег. Во текот на наредната седмица, утринската температура на места ќе биде негативна, а дневната од среда ќе бележи постепен пораст, информираат од УХМР Македонија.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Контраспин: Силјановска не ги седна пензионерите во ложата на „Мапет шоу“

Контекстот во кој претседателската кандидатка на ВМРО-ДПМНЕ ја кажа репликата за „Мапет Шоу“, беше сосема поинаков од оној што го претстави СДСМ. Самата реплика воопшто не се однесуваше на...