fbpx

Одложена процедурата за азил за турските војници во Грција

-

Грчката служба за азил ги одложи за неколку недели интервјуата за азил за осумте турски војници што избегаа од Турција и слетаа во Александруполи по воениот удар против турскиот претседател. Денеска, пред службата се појавија првите двајца војници што требаше да имаат интервју и во придружба на адвокат побараа одложување за подобро да ги подготват своите искази за интервјуто за азил. Барањето беше одобрено и војниците следно ќе треба да се појават на интервјуа на 19, 23, 24 и на 25 август.

Војниците ќе се појават двајца по двајца на секое од интервјуата. Дотогаш остануваат во притвор во Атина, под силно полициско обезбедување.

Штом се завршат интервјуата, секое од нив ќе биде разгледано и по неколку недели се носи одлука дали да им се дозволи азил или не. Доколку нивните барања за азил се одбиени, војниците имаат право на жалба и одат на второстепена комисија, која одново ќе ги разгледува нивните барања. Во случај во меѓувреме да се издаде наредба за нивна екстрадиција, имаат право да се жалат за одлуката на суд.

Војниците и понатаму се бранат дека не знаеле дека се работи за воен удар и само извршувале наредби за пренесување повредени. Како што пренесуваат нивните адвокати, стравуваат и за своите и за животите на своите семејства.

Со одложувањето на процедурата за азил, грчката влада добива повеќе време да ја одложи и екстрадицијата на војниците, за која постојано притискаат турските власти. Процесот за екстрадиција е особено отежнат по постојаните турски изјави и закани за враќање на смртната казна и информациите за изживување врз војниците кои учествувале во воениот удар. Иако грчките власти се изјаснија дека го осудуваат пучот во Турција, сепак, доколку стане јасно дека војнците ги чека смртна казна или тортура кога ќе се вратат Грција, нема да може да ги врати назад.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Украинската одбрана соборила 84 руски воздушни цели

Ноќеска Русија изврши уште еден масовен воздушен напад врз украински објекти за гориво и енергија, соопшти украинската одбрана. Непријателот ја нападнал Украина со 60 беспилотни летала Шахед и 39 проектили...