fbpx

Од утре директен лет Скопје – Женева

-

Почнувајќи од утре, од скопскиот аеродром „Александар Велики“ ќе има директен лет до Женева двапати неделно, во вторник и во сабота. Оваа директна линија се воведува како резултат на соработката меѓу „ТАВ Македонија“ и авиокомпанијата „Свис“ (Swiss).

– Повторното воздушно поврзување на Скопје со Женева, како град познат по своето езеро и по прекрасната природа, но, исто така, и како значајно седиште на многу меѓународни институции од областа на економијата, финансиите и на дипломатијата, нè прави среќни, бидејќи истовремено успеавме да отвориме нова линија и да привлечеме нова авиокомпанија, „Свис“. Новиот лет до Женева е од интерес за патниците од различни категории, а пред сè на македонските иселеници во Швајцарија, како и туристите и бизнис-заедниците од двете држави – изјави Зоран Крстевски, генерален директор на „ТАВ Македонија“.

Првиот авион на „Свис“ од Скопје ќе полета за Женева утревечер во 20 часот и 35 минути. Во текот на летото швајцарската авиокомпанија ќе оперира од „Александар Велики“ до Женева и во вторник попладне, кога полетувањата од скопскиот аеродром се закажани за 15.05 часот.

– Постојано ја прошируваме нашата мрежа од Женева. Централна и Источна Европа ни се фокусот на експанзија бидејќи сме убедени дека овој регион како пазар нуди голем потенцијал за развој. Гледаме голем потенцијал во секторот – туризам и рекреација, со оглед на природните убавини кои Македонија ги нуди, како што се Охридското Езеро и градот Скопје со својата културна и историска понуда – истакна Бернард Водл, директор на „Свис“ за Австрија и за Централна и за Источна Европа.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Украинската одбрана соборила 84 руски воздушни цели

Ноќеска Русија изврши уште еден масовен воздушен напад врз украински објекти за гориво и енергија, соопшти украинската одбрана. Непријателот ја нападнал Украина со 60 беспилотни летала Шахед и 39 проектили...