Набљудувачката мисија на Канцеларијата за демократски институции и човекови права (ОБСЕ/ОДИХР) денеска во 15 часот ќе ги претстави првичните постизборни оценки за вториот круг од локалните избори.
Наодите и заклучоците за изборниот процес ќе ги претстави амбасадорката Одри Гловер, шефица на набљудувачката мисија на ОДИХР.
Набљудувачкиот тим на ОБСЕ/ОДИХР кој ги следеше изборите беше составен од 126 набљудувачи од 26 земји – 17 изборни експерти во главниот град, како и 17 долгорочни и 88 краткорочни набљудувачи распоредени низ целата држава.