Претседателот на САД, Барак Обама, ќе потпише закон со кој се воведуваат дополнителни санкции кон Русија, а тој ќе добие овластување да испрати воена помош во Украина.
Портпаролот на Белата куќа, Џош Ернест, истакна дека Обама и понатаму е воздржан во врска со документот, но верува дека тој ќе ја понуди флексибилноста што му е потребна.
Обама треба неделава да го потпише законот, со што тој ќе стапи на сила. Со тоа особено ќе биде погоден рускиот воен и енергетски сектор, затоа што овозможува воведување санкции кон големите руски компании, меѓу кои се и „Гаспром“ и „Рособоронекспорт“.
Со новиот закон, американскиот претседател се овластува да ѝ испрати на Украина оружје и воена опрема, вклучувајќи и антитенковско вооружување и муниција.