Помошничката на државниот секретар на САД за Европа и за Евроазија, Викторија Нуланд, има многу патувања во регионот. Доколку нејзините патувања ја вклучат и Македонија, Стејт департментот ќе излезе со посебно соопштение, изјавија за „Мета“ од американската амбасада во Скопје.
Во јавноста деновиве се зборува и за можноста Нуланд да се вклучи во преговорите за решавање на политичката криза кога сите можности би биле исцрпени.
Преговорите помеѓу лидерите на ВМРО-ДПМНЕ, СДСМ, ДУИ и на ДПА, Никола Груевски, Зоран Заев, Али Ахмети и Мендух Тачи, завршија со неуспех минатата недела во Брисел.
