Новите карикатури објавени во францускиот сатиричен неделник „Шарли ебдо“ ќе „поттикнат омраза“, предупреди египетскиот универзитет „Ал Азхар“ од Каиро, кој е еден од најстарите и најпрестижна сунитоисламска духовна академија.
Според универзитетот, овие карикатури „не служат за мирољубива коегзистенција меѓу луѓето и ја попречуваат интеграцијата на муслиманите во европските и во западните општества“.
Најновото издание на „Шарли ебдо“, кое денеска во милионски тираж се најде во продажба, покажува цртеж на пророкот Мухамед и ги исмејува вооружените исламисти кои минатата недела убија повеќе членови на редакцијата.
