Српското обвинителство за воени злосторства соопшти дека се добрани уште докази што ги дополнуваат обвиненијата за кои се товари лидерот на Алијанса за иднината на Косово, Рамуш Харадинај.
Раководителот на обвинителството, Милан Петровиќ, за Радио-телевизија Србија рече дека е задоволен што по потерницата на српското правосудство се постапува во земјите на ЕУ.
Кога станува збор за забрзување на постапката за екстрадиција, Петровиќ рече дека тоа е можно само со согласност на лицата против кои се бара екстрадиција.
– Србија тука не може ништо да направи затоа што процесот за забрзано испорачување зависи од лицето кое е уапсено и против кое се бара екстрадиција. Значи, забрзаната постапка е можна само со негова согласност, во спротивно трае многу долго – рече Петровиќ.
