fbpx

Нови пет лица добија кривични пријави за дивеењето во Собранието

-

СВР Скопје денеска ја дополни кривичната пријава за дивеењето и за бруталното насилство во Собранието во четвртокот со уште пет лица, со што сега бројката на идентификувани се искачи на 20 лица.

Според соопштението од полицијата, новите петмина пријавени, кои се од Скопје, Куманово и од Велес, се идентификувани по прегледување на видоснимките од медиумите и од безбедносните камери во Собранието. И тие, како и претходно пријавените, МВР ги гони за учество во толпа што ќе изврши кривично дело, по член 385 од Кривичниот законик.

Како што соопшти СВР Скопје, тоа се  Д.П. (33) од Скопје, Т.Т. (53) од Куманово, В.Т. (40) од Скопје, И.С. (44) од Велес и В.Ц. (33) од Скопје. Според кривичната пријава, откако пријавените влегле во салата 3 во Собранието, И.С. со фантомка на главата упатувал закани и пцости кон присутните, по што ја извадил фантомката и престанал со насилното однесување.

Т.Т. со тупаници ги нападнал пратениците и фрлал со тврди предмети кон нив и кон нивното обезбедување, В.Т. со лакт ја удрил пратеничката Радмила Шекеринска во пределот на грбот, а со противпожарен апарат прскал дел од пратениците кои биле во близина на лифтовите.

Пријавениот В.Ц. му се заканувал на претседателот на СДСМ, Зоран Заев, и го пцуел, а Д.П. со тупаница го нападнал пратеникот А.Г., а навредувал и други пратеници и присутни.

СВР Скопје информира дека продолжуваат мерките за идентификување и на другите насилници.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Петровска го доби Ковачки на суд и се откажа од 10.000 евра што требаше тој да ѝ ги плати за клевета

Основниот граѓански суд - Скопје утврдил граѓанска одговорност за клевета врз министерката Славјанка Петровска од Драган Ковачки од ВМРО-ДПМНЕ. Петровска на својот профил на Фејсбук ја објави пресудата. „Како што...