fbpx

Нова кривична пријава за поранешниот градоначалник на Крива Паланка

-

СВР Куманово поднесе кривична пријава за злоупотреба на службената положба и овластување против поранешниот градоначалник на Крива Паланка, Арсенчо Алексовски и против поранешниот директор на средното училиште „Ѓорче Петров“ во Крива Паланка. Ова за Алексовски е трета кривична пријава, а за директорот на училиштето втора.

Во кривичната пријава до СВР Куманово до Основното јавно обвинителство – Куманово се вели дека А.А. (57) и М.М. (67) во периодот од јуни 2009 година до мај 2013 во два наврати ја злоупотребиле својата службена положба и овластувања. Според полицијата, двајцата пријавени 29.05.2009 година изготвиле и потпишале лажна исправа – Договор за инвестирање во изградба на спортска сала „Петар Поп Арсов“ со Агенцијата за спорт и млади како инвеститор на проектот. Во договорот во член 7 став 1, навеле дека спортската сала наводно ќе биде изградена во дворот на ДСУ „Ѓорче Петров“ од Крива Паланка, иако таму веќе имало изградено спортска сала.

Исто така, согласно склучениот договор, Општина Крива Паланка се обврзала да го подготви теренот и да обезбеди пристапни патишта и да изврши технички прием и да издаде употребна дозвола, како и да ја заведе во катастарот. Но тоа не било исполнето и тогашниот градоначалник донел и потпишал Решение за локациски услови за градба и потпишал Одобрение за градење на спортската сала на друга локација, на катастарска парцела која дел била во сопственост на Општината а дел во сопственост на Република Македонија, и без претходно да се изврши пренамена на земјиштето од земјоделско во градежно.

Полицијата ги товари двајцата Алексовски и тогашниот директор на училиштето дека потпишале Записник за примопредавање на спортскиот објект со Агенцијата за млади и спорт иако таа не била довршена и не била изградена придружната инфраструктура, па сега Општина Крива Паланка мора да ги изведе тие градежни работи.

Според СВР Куманово, новоизградената спортска сала воопшто не била внесена во катастарот.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Атлантик: Со среќа во борбата против дезинформации

Угледниот американски магазин Атлантик објави опширен напис, во авторство на Квинта Џуресик, со наслов „Со среќа во борбата против дезинформациите“. Сторијата се однесува на Ник Сојер, доктор во Калифорнија....