This page was exported from Meta.mk [ http://meta.mk ]
Export date: Sat Aug 18 11:56:28 2018 / +0000 GMT

Нова демократија не прифаќа решение за името „на рати и со одложено дејство“




Околу можноста за решение на проблемот со името и можноста а постигнување на договор Ципрас – Заев, извори од опозиционата Нова демократија (НД) за грчка „Иефимерида“ велат дека нема да прифатат никакво решение „на рати“,  бидејќи сметаат дека со тоа не би се исполнил условот договорот да биде траен.

Лидерот на Нова демократија, Киријакос Мицотакис, денеска е во Софија на Конгрес на европските десничарски партии (ЕПП) и изјави дека нема да прифати никаков притисок од страна на ЕУ или на НАТО во врска со името на северниот сосед.

Според партијата, Грција не треба да прифати решение со „одложено дејство“ и дека само „конечно име и промена на Уставот“ би биле гаранција за поддршка за ЕУ и НАТО.

- Потребна е промена која нема само да претпостави, туку и ќе гарантира и ќе се примени во практика пред било каков конечен договор – вели одговорниот за надворешна политика во НД, Јоргос Кумуцакос.
Post date: 2018-05-16 11:18:31
Post date GMT: 2018-05-16 09:18:31
Post modified date: 2018-05-16 11:18:31
Post modified date GMT: 2018-05-16 09:18:31
Powered by [ Universal Post Manager ] plugin. HTML saving format developed by gVectors Team www.gVectors.com