!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Нимиц е загрижен за мирот и за стабилноста во Македонија


       
Скопје, 20 март, 2017 - 9:22 (META) 

Меѓународниот посредник во спорот за името, Метју Нимиц, изрази загриженост дека политичката криза може негативно да влијае на стабилноста на Македонија.

– Загрижен сум за ситуацијата во Македонија. Тоа што можам да го истакнам во овој момент е дека состојбата во државата е доведена до висок степен на ризик и опасност, што ќе влијае врз безбедноста и врз стабилноста на Македонија – изјави Нимиц за емисијата „Гласот на народот“ на Радио Слободна Македонија“.

Тој изрази надеж дека политичката криза ќе биде решена и надмината по мирен и демократски пат.

– Не би можел да дадам други оценки, бидејќи сум фокусиран исклучиво на прашањето за името, но уште еднаш ќе ја изразам мојата голема загриженост за мирот и за стабилноста во Македонија. Се надевам дека политичарите и народот ќе се справат со сите проблеми што се појавија во државата – рече Нимиц.