fbpx

Николиќ: Србија ѝ пружа рака на Хрватска

-

Српскиот претседател Томислав Николиќ изјави дека Србија јасно го има зацртано својот европски пат и нема да одговори на провокациите, додавајќи дека Србија ѝ пружа рака на Хрватска и ја повикува на разговор.

По повод хрватската блокада на отворањето на поглавјето 26 во преговорите помеѓу Србија и ЕУ, Николиќ, на состанокот на министерскиот совет на Организацијата за црноморската економска соработка (БСЕЦ) во Белград, изјави дека во Хрватска „како да се натпреваруваат кој повеќе ќе ѝ наштети на Србија или ќе ја навреди“.

„Се величаат симболи под кои во „творбите“ на Хитлер биле убивани Срби, Роми и Евреи. Претседателката на Хрватска се извинува што не знаејќи што прави, во пакетчињата на децата ставила едно мало чоколадо произведено во Србија. Врв е што Хрватска го попречува патот на Србија кон ЕУ поради несреќни билатерални проблеми. Така не се соработува, така не се гради туку се разградува. А ние денес пружаме рака кон Хрватска и ја повикуваме во интерес на нашите деца да разговараме, соработуваме, градиме општество без граници, расни и верски судири – додаде Николиќ.

Србија денеска во Брисел ќе отвори две нови поглавја во преговорите со ЕУ, 5 и 25 кои ќе се однесуваат на јавни набавки, наука и истражување. Поглавјето 26 кое се однесува на културата и на образованието, иако се очекувало, нема да биде отворено, поради блокадата на Хрватска поради што премиерот Александар Вучиќ одлучи да не присуствува на меѓувладината конференција.

За Хрватска е спорно дали Србија е подготвена да гарантира образование на јазиците на националните малцинства. Преговарачките тимови на Србија, пак, сметаат дека овие прашања се отворени во поглавјето 23 за правосудство и основни права кое е веќе отворено, а не поглавјето 26.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...