Претседателот на Србија, Томислав Николиќ, изјави дека до Божиќ ќе ја соопшти конечната одлука дали ќе биде кандидат на претседателските избори, но и дека не познава човек кој би ја вршел таа функција подобро од него.
По повод најавувањето на кандидатура на народниот правобранител Саша Јанковиќ, Николиќ рече дека не мисли дека омбудсманот е сериозен кандидат.
– Кандидат може да биде секој од нас. Мислам дека Јанковиќ треба да се кандидира, но прашање на морал е дали тоа треба да го стори од функцијата која моментално ја извршува – рече Николиќ на новогодишната конференција за новинари во Белград.
Николиќ рече дека тој сака повторно да се кандидира за претседател на Србија, како и дека за тоа ќе се договори со премиерот Александар Вучиќ.
Вучиќ на новинарите во Обреновац им рече дека е добро за демократијата да има што повеќе претседателски кандидати, но дека не е добро тоа што некои ќе станат кандидати со оглед на тоа која функција ја извршуваат моментално и дека тоа би претставувало злоупотреба.