fbpx

Ни Институтот за јавно здравје не ги испитувал штетите од палењето на депонијата во Шутка

-

Институтот за јавно здравје (ИЈЗ) до вчера не презел мерки за испитување на штетите од загадувањето на воздухот и животната средина по палењето на депонијата во Шуто Оризари неколку пати во изминативе седници, известува „Порталб“.

– Не, досега немаме реализирано никаква активност за тестирање нешто во тој регион  – вели професорот Драган Ѓорѓев од ИЈЗ.

На прашањето од „Порталб“ зошто не е спроведено тестирање на штетата, професорот Ѓорѓев одговара дека не било побарано.

– Не постои такво барање до мене. Никој не поднел. Иако барањата се јавни, тие треба да бидат доставени до архивата, а потоа мора да бидат доставени до мене. До мене такво барање не е пристигнато. Треба да има барање од граѓаните, за да можеме да изведеме тестирање  – објасни Ѓорѓев.

Инаку, едно од барањата на жители на Визбегово што „Порталб“ ги објави во петокот е Институтот за јавно здравје да направи проценка на штетата од палењето на депонијата. Барањата беа доставени и до општинските раководства на Шуто Оризари и Бутел, но досега нема никаква проценка.

Од друга страна, пак, минатата недела започна преселбата на дел од депонијата во Шутка, но и тоа се стопираше, а депонијата и вчера гореше.

Проблемот со депонијата ги натера жителите да се организираат и во саботата реализираа еколошка акција.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Украинската одбрана соборила 84 руски воздушни цели

Ноќеска Русија изврши уште еден масовен воздушен напад врз украински објекти за гориво и енергија, соопшти украинската одбрана. Непријателот ја нападнал Украина со 60 беспилотни летала Шахед и 39 проектили...