Непал утринава го погоди земјотрес со јачина од 5,6 степени според Рихтеровата скала, чијшто епицентар бил во близина на Монт Еверест, околу 150 километри североисточно од Катманду, соопшти Американскиот сеизмолошки центар.
Извештај за евентуални жртви и за штети сè уште нема.
Mногумина од жителите на Катманду истрчале од своите домови на улиците, но нема прекин во снабдувањето со електрична енергија или телекомуникациите.
Непал сè уште закрепнува од минатогодишниот земјотрес во кој настрадаа 9.000 лица, а беа оштетни речиси милион домови и згради.
