Сè уште не е одреден точниот датум на првата средба меѓу американскиот и рускиот претседател, Доналд Трамп и Владимир Путин, но ако тоа се случи, медиумите најверојатно ќе бидат исклучени, соопшти Кремљ.
Портпаролот на рускиот претседател, Дмитриј Песков, рече дека состанокот би можел да се случи за време на самитот Г20, кој ќе одржи во јули во Германија, но сè уште не е постигнат цврст договор.
Песков рече дека не постојат планови ниту да се издаде соопштение по евентуалната средба.
– Само ќе се одржи состанок – рече Песков.
Трамп и Путин минатиот месец телефонски се согласија да се обидат да организираат состанок „еден на еден“ во периодот околу одржувањето на самитот во Хамбург.
