fbpx

Неколку илјади граѓани со знамиња и со транспаренти маршираат за слобода

-

Неколку илјади граѓани со знамиња и со транспаренти, денеска излегоа на улиците на Скопје и се приклучија на маршот за одбележување на Денот на востанието – 11 Октомври, кој се одржува под мотото „Борбата продолжува, гласот победува“

На чело на маршот, кој почна пред новите канцеларии на Специјалното јавно обвинителство на улицата Франклин Рузвелт, беше раководството на СДСМ, Зоран Заев, Радмила Шекеринска, министерот за внатрешни работи Оливер Спасовски, поранешниот претседателски кандидат на СДСМ, Стево Пендаровски, но и активистот Влатко Васиљ, сопственичката на МИТ, Биљана Апостолова и други.

Граѓаните, по двете коловозни ленти на булеварот Партизански одреди, придружувани од звуци на тапани и извици „Слобода, слобода“, се движат кон Собранието на Република Македонија, каде четворица ќе одржат говор, меѓу кои Заев, лидерот на најголемата опозициска партија.

Иницијатори на граѓанскиот марш се лидерот на СДСМ, Зоран Заев, новинарите Томислав Кежаровски и Атанас Костовски, активистот Влатко Васиљ, актерката Ирена Ристиќ, музичарите Златко Ориѓански и Бени Шакири и припадничката на Сојузот на борци, Вера Бунтеска.

Тие пред протестот порачаа дека ќе се маршира за борба против сиромаштијата, за повисоки плати, за работни места, за млади кои сакаат да останат да живеат во родната земја.

„Да застанеме рамо до рамо сите заедно, еднакво важни, независно од каква било различност“, рекоа претходно организаторите.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Посебен сообраќаен режим в недела заради атлетска трка на Средно Водно

Во недела, со почеток во 9 часот, поради атлетска трка на 10 километри, со траса на движење од долниот паркинг на Средно Водно по регионалниот пат (Р2138) до паркингот...