fbpx

Не се затвораат и никој не бара да се затворат сите обложувачници во Македонија

-

[Рецензија: Се затвараат сите кладилници во Македонија?]

 

Текстот што го рецензираме, прво, е класичен пример за ширење дезинформација и, второ, според ништо не личи на новинарски напис.

Линк до оригиналниот напис: Се затвараат сите кладилници во Македонија?

Датум и време на објавување: 25.12.2018

Датум на рецензирање: 28.12.2018

Рецензент: Ана Анастасовска

Написот нема лид, нема објаснување на проблемот, нема обработка на проблемот, нема ништо. Направен е обид да се пренесе партиско соопштение, но ниту тоа не е направено како што треба. На почетокот не е наведено кој го објавил ова соопштение и што се бара преку него. Директно е пренесен дел од него и дури на крајот читателот може да види и да сфати дека станува збор за партиско соопштение.

Но, она што е уште пострашно, е што насловот на текстот нема никаква врска со напишаното и е класичен пример за ширење дезинформација. Имено, кога ќе го отворите написот, ќе видите дека станува збор за соопштение од партијата ЛДП, во кое се сугерира, односно се бара:

да се затворат сите казина и спортски обложувачници кои сега се во огромен број на главните улици низ градовите и селата во Македонија, и блиску до образовните институции.

Значи, барањето и давањето предлог на една партија не значи дека тоа е така. Ако ЛДП бара да се затворат казината и обложувачниците, не може новинарот да информира дека се затвараат сите обложувачници, бидејќи таквата информација е лажна и создава лажна претстава во јавноста. Од предлог до реализација има многу.

Ширењето дезинформации е спротивно на новинарските кодекси, кои пропишуваат дека новинарот треба да пренесува точни, навремени и проверени информации, а не да шири дезинформации. Така наместо насловот „Се затвораат сите кладилници во Македонија“, можело да се стави наслов „ЛДП предлага затворање на обложувачниците“.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Израел ја бомбардира Сирија, има над 40 жртви

Израел го бомбардираше регионот околу градот Алепо во Северна Сирија, пренесува Гардијан. Израелските сили таргетирале членови на либанската паравоена организација Хезболах. Има повеќе различни контрадикторни информации за бројот на убиени,...