Банките повеќе кредити одобриле за граѓаните, отколку за компаниите и во третиот квартал од годината, кредитниот пораст изнесува 0,3 проценти, се вели во најновиот извештај на Народна банка.
„Вкупните нефункционални кредити на банкарскиот систем се намалија за два проценти, на квартална основа. Нефункционалните кредити на домаќинствата бележат забрзан пораст присутен уште од почетокот на 2017 година. Истовреме, има зголемување на пролонгираните и на кредитите кај кои задоцнувањето е помеѓу 61 и 90 дена, што укажува на потребата од повнимателно следење и на ова портфолио“, се вели во соопштението на Народна банка.
