Советот за безбедност на Обединетите нации (ОН) го поддржа новиот договор според кој НАТО ќе ги обучува и ќе им помага на меѓународните сили за безбедност во Авганистан, пренесуваат медиумите.
Резолуцијата за ова прашање е едногласно усвоена и во неа се нагласува дека новата мисија е од значење за стабизизација на состојбите во Авганистан.
Судирите во Авганистан се засилија последните неколку месеци, а се очекува насилствата да продолжат до крајот на годината кога меѓународната воена мисија на чело со САД значајно ќе ја намали својата бројност на околу 13.000 лица.
