!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Напаѓачот на Шекеринска, Ангелов, се изјасни за виновен


       
Скопје, 6 октомври, 2017 - 13:05 (META) 

Панче Ангелов денеска на судењето во Основниот суд Скопје 1 се изјасни за виновен за нападот врз тогашната пратеничка Радмила Шекеринска во Собранието на 27 април, иако претходно изјави дека немал намера да ја нападне Шекеринска, туку дека сакал да ѝ помогне и да ја извлече од толпата влечејќи ја за коса.

Во обвинението се истакнува дека Ангелов бил во првата група што влегла во Собранието и заедно со најсилните и најнасилните луѓе се упатил директно во прес-салата. Најпрво му упатил закани на лидерот на СДСМ, Зоран Заев, потоа ја нападнал Шекеринска, а фрлил и шише кон други пратеници кои добиле тешки телесни повреди.

Претходното рочиште на 19 септември беше одложено на барање на адвокатот на обвинетиот Драган Пешевски, кој пред судот рече дека Ангелов бил правно неук и дека тој првпат го сретнал во судот.

Казната за вакво кривично дело е затвор во траење од 3 до 10 години, а како што истакна судијката Џенета Бектовиќ пресудата ќе биде соопштена следниот четврток.