Жена со автомобил влетала меѓу верници кои се собрале пред спортскиот центар во британскиот град Њукасл, за да го прослават Рамазан-бајрам. Повредени се шест лица, меѓу кои и две деца.
Полицијата ја уапсила жената што управувала со возилото, но нејзиниот идентитет засега не е познат.
„Ројтерс“ пренесува дека автомобилот се движел по тротоарот на кој стоеле верниците кои утринава се собрале пред спортскиот центар „Вестгејт“ во Њукасл, за да го прослават Рамазан-бајрам.
„Би-би-си“ јавува дека станува збор за 42-годишна жена која е однесена на испитување.
Полицијата се обидува да утврди што точно се случило, а како што пренесува „Ројтерс“, не веруваат дека инцидентот е поврзан со тероризам.
На обележувањето на крајот на светиот муслимански месец Рамазан, во овој англиски град се собрале повеќе стотини лица.
