fbpx

Наместо за Зврлевски, Собранието денеска ќе расправа за завршната сметка на буџетот

-

Собранието денеска во 11 часот ќе ја одржи осмата седница, на која како прва точка на дневен ред е предлогот на завршна сметка на буџетот на Република Македонија за 2016 година, како и повеќе закони поднесени од опозицијата и годишните извештаи на повеќе институции.

Пратениците треба да расправаат по предлог-законите за изменување и за дополнување на Кривичниот законик во прво читање, дополнување на Законот за исплата на платите, предлог-законот за изменување на Законот за aудио и аудиовизуелни медиумски услуги, предлог-законот за дополнување на Законот за извршување на буџетот на Република Македонија за 2017 година, по скратена постапка, како и за годишен извештај за работата на Советот на јавните обвинители.

Нема информација дали денеска ќе има ново продолжение на шестата седница, на која точка на дневен ред е разрешувањето на државниот јавен обвинител Марко Зврлевски.

Вчера, претседателот на Собранието, Талат Џафери, го прекина продолжението на собраниската седница откако координаторот на една од пратеничките групи на ВМРО-ДПМНЕ, Илија Димовски, повторно побара пратениците да прекинат со работа во 18 часот бидејќи голем дел од нив сакаат да го одбележат верскиот празник Павловден со своите семејства.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Путин: Немаме намера да нападнеме земји членки на НАТО

Русија нема планови за напад на земјите членки на НАТО и нема да ги нападне Полска, балтичките земји или Чешка, но доколку Западот испорача ловци Ф-16 на Украина, тогаш...