fbpx

Најмалку 40 загинати во самоубиствен бомбашки напад во Кабул

-

Најмалку 40 лица загинале, а 140 се повредени во самоубиствен бомбашки напад што утрово се случил во главниот град на Авганистан, Кабул, соопштија властите во земјата, пренесува „Би-би-си“.

Напаѓачите биле во амбулатно возило, полно со експлозив, кое успеало да го помине полицискиот пункт на улица затворена за јавен транспорт.

Нападот се случил во близина на старата зграда на авганистанското министерство за внатрешни работи и канцелариите на Европската Унија во Кабул.

Одговорноста за нападот ја презеле талибанските милитанти.

Според очевидци, областа во која се наоѓаат повеќе странски амбасади, како и седиштето на полицијата во Кабул, била полна со луѓе за време на експлозијата.

Авганистанските власти, како што пренесува „Би-би-си“ очекуваат бројот на жртви да се зголемува, со оглед на големиот број на повредени кои се носат во болниците.

Пред една недела талибанските милитанти убија 22 лица во напад на луксузен хотел во Кабул.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Реакции по одлуката Саудиска Арабија да го предводи форумот за правата на жените на ОН

Саудиска Арабија е избрана да биде претседавач со комисијата на Обединетите Нации што ја промовира родовата еднаквост, а одлуката е критикувана од групи за човекови права поради исклучително лошото...