fbpx

Најмалку 19 загинати во пад на руски хеликоптер во Сибир

-

Најмалку 19 лица загинале во пад на руски хеликоптер во Северозападен Сибир, јавуваат светските медиуми, повикувајќи се на официјални претставници на Москва.

Хеликоптерот од типот „ми 8“, кој превезувал 22 работници, се урнал вчера во регионот Јамало-Ненетски во Сибир, пренесува „Би-би-си“.

Рускиот претседател Владимир Путин им изразил сочувство на роднините на жртвите, соопштил неговиот портпарол.

Тројца од преживеаните патници биле хоспитализирани, а маглата и лошата видливост ја отежнале операцијата за пронаоѓање и за спасување на патниците. Хеликоптерот се приземјил на десната страна од трупот поради што жртвите не можеле да излезат од него, изјавил портпарол на армијата.

Во тек е криминалистичка истрага за случајот, но истражителите сметаат дека причина за падот најверојатно е пропуст во процедурата за летање, механички проблем со леталото или лошите временски услови.

Хеликоптерот летал од наоѓалиште на нафта и гас во регионот на Краснојарск кон малата населба Уренгои.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Украинската одбрана соборила 84 руски воздушни цели

Ноќеска Русија изврши уште еден масовен воздушен напад врз украински објекти за гориво и енергија, соопшти украинската одбрана. Непријателот ја нападнал Украина со 60 беспилотни летала Шахед и 39 проектили...