Волонтерите организирани преку групата „Хуманитарна помош за настраданите во поплавите во Скопје“ и денеска на пунктовите во „Сити мол“ и кај „Веро центар“ собираат донации од граѓаните за лицата кои беа погодени од поплавите.
Како што велат волонтерите, моментално најпотребни се средства за чистење и дезинфекција.
„Покрај храна и вода кои се најосновните работи, веќе имаме потреба од средства за чистење и дезинфекција. Исто така потребни се и лекови за стомачни вируси и на одредени места се потребни лекови за срце и хронични заболувања“ велат активистите.
@Gjavolot Потребни се донации од средства за чистење и лекови #Поплава pic.twitter.com/1xNfSGeDJA
— META.mk (@meta_agency) August 11, 2016
Исто така, тие велат дека сите граѓани кои сакаат да помогнат, без оглед дали имаат опрема можат да одат во еден од двата пункта, па оттаму заедно ќе се организираат како да се стигне до граѓаните кои живеат во подрачјата кои беа зафатени од поплавите.
@Gjavolot Каде треба да одат граѓаните кои сакаат да помагаат во поплавените подрачја #Поплава pic.twitter.com/e0QxLQJc0V
— META.mk (@meta_agency) August 11, 2016
